Ժյուրի

Խաղարկային ֆիլմերի մրցույթ

Վերադարձ
 
Տիգրան Մանսուրյան (Հայաստան)
Տիգրան Մանսուրյան (Հայաստան)
Տիգրան Մանսուրյանը ծնվել է Բեյրութում: 1940-ականների վերջին ընտանիքով ներգաղթել է Հայաստան: 1956-60 թթ. Մանսուրյանը կոմպոզիցիա է սովորել Երևանի Ռոմանոս Մելիքյանի անվան երաժշտական ուսումնարանում (Է. Բաղդասարյանի դասարան), ապա 1960-65 թթ.՝ Երևանի Կոմիտասի անվան պետական կոնսերվատորիայում՝ Ղ. Սարյանի դասարանում, որի ղեկավարությամբ 1967-ին ավարտել է ասպիրանտուրան։ 1967-86 թթ. ժամանակակից երաժշտության տեսություն է դասավանդել կոնսերվատորիայում։ 1986-ին Մանսուրյանին շնորհվել է Երևանի Կոմիտասի անվան պետական կոնսերվատորիայի պրոֆեսորի կոչում։ 1992-95 թթ. զբաղեցրել է կոնսերվատորիայի ռեկտորի պաշտոնը։ Մանսուրյանը նախկին ԽՍՀՄ-ում ժամանակակից երաժշտության ռահվիրաներից մեկն է և առաջինը, ով կոմպոզիցիոն ժամանակակից հնարներ է ներմուծել Հայաստան։ Գրել է բալետ, սիմֆոնիկ երկեր, կոնցերտներ, կամերային երկեր՝ լարային կվարտետներ, սոնատներ, վոկալ շարքեր, խմբերգեր, կինոնկարների («Նռան գույնը», «Կտոր մը երկինք», «Մենք ենք, մեր սարերը», «Սգավոր ձյունը», «Հին օրերի երգը», «Մեր մանկության տանգոն») և ներկայացումների («Ջոն արքա», «Հացավան», «Մեծ լռություն» և այլն) երաժշտություն: Մանսուրյանի կինոերաժշտությունն առանձնանում է մեղեդայնությամբ, քնարականությամբ և մեծապես նպաստում է ֆիլմի գեղարվեստական նկարագրի ամբողջացմանը։ Կոմպոզիտորի ստեղծագործությունները կատարվել են Լոնդոնի, Փարիզի, Հռոմի, Միլանի, Բեռլինի, Վիեննայի, Մոսկվայի, Նյու Յորքի, Լոս Անջելեսի և այլ քաղաքների խոշորագույն համերգային դահլիճներում: 2016-ին ՀՀ նախագահի հրամանագրով Տիգրան Մանսուրյանը նշանակվել է ՀՀ Հանրային խորհրդի անդամ:
Ֆրեդ Քելեմեն (Գերմանիա/Հունգարիա)
Ֆրեդ Քելեմեն (Գերմանիա/Հունգարիա)
Ծնվել է 1964-ին Արևմտյան Բեռլինում: Ուսանել է նկարչություն, երաժշտություն, փիլիսոփայություն, կրոնագիտություն, դրամա և տարբեր թատրոններում ռեժիսորի ասիստենտ եղել: 1989-94 թթ. ռեժիսուրա և օպերատորական արվեստ է ուսանել Բեռլինի Գերմանական կինոյի և հեռուստատեսության ակադեմիայում: 1995-ին Քելեմենն իր դիպլոմային ֆիլմի՝ «Ճակատագրի» համար արժանացել է Գերմանիայի ազգային կինոմրցանակին: Այդ ժամանակից ի վեր մի շարք ֆիլմեր և տեսաֆլմեր է նկարահանել որպես ռեժիսոր, իսկ որպես օպերատոր համագործակցել այնպիսի ռեժիսորների հետ, ինչպիսիք են Ժոզեֆ Փիչխաձեն («Քաղցրավենիք», 2013), Բելա Տարը («Ուղևորություն հարթավայրով», 1995, «Լոնդոնցի մարդը», 2007, «Թուրինյան ձին», 2011), Ռուդոլֆ Թոմեն («Տեսանելին և անտեսանելին», 2006), Կարինե Թորոսյանը («Քար, ժամանակ, հպում», 2005): 1995-ից Քելեմանը դոցենտ է եղել, վարպետության դասեր տվել և դասախոսություններ կարդացել Կատալոնիայի կինոուսումնառության կենտրոնում (Բարսելոն, Իսպանիա), Ժնևի գեղարվեստի քոլեջում (Շվեյցարիա), Հարվարդ համալսարանում (ԱՄՆ), Քիդերմինսթերի քոլեջում (Անգլիա), Լատվիայի մշակութային ակադեմիայում (Ռիգա), Սանտյագոյի համալսարանի արվեստի և տեսողական ԶԼՄ-երի բաժնում (Չիլի), Բանգկոկի Թամմասաթ համալսարանում (Թաիլանդ), Բեռլինի Գերմանական կինոյի և հեռուստատեսության ակադեմիայում (Գերմանիա), Թել Ավիվի համալսարանի կինոյի և հեռուստատեսության բաժնում (Իսրայել), Լիոնի Ազգային գեղարվեստի դպրոցում (Ֆրանսիա), Սարաևոյի Film Factory կինոակադեմիայում (Բոսնիա և Հերցեգովինա) և Սաար գեղարվեստի քոլեջում (Սաարբրյուքեն, Գերմանիա): Նրա գործերի հետահայաց ցուցադրություններ են կազմակերպվել Anthology Film Archives ֆիլմադարանում (Նյու Յորք), Tate Modern պատկերասրահում (Լոնդոն), Հունգարիայի ազգային կինոթատրոնում (Բուդապեշտ) և աշխարհի այլ ֆիլմադարաններում, կինոթանգարաններում ու կինոփառատոներում: Քելեմենի Kino Kombat Filmmanufactur կինոընկերությունը թողարկել է իր «Անկում» (Լատվիա, 2005), Անետ Շյուցեի «Մասկաչկա» (Լատվիա, 2005), Դյուլա Մարի «Հատված» (Հունգարիա, 2007), Յանա Մարսիկի «Ձեռք ձեռքի» (Լատվիա/Գերմանիա, 2005) ֆիլմերը: Ֆրեդ Քելեմենը Ամերիկյան, Եվրոպական, Գերմանական կինոակադեմիաների և Եվրոպայի մշակութային խորհրդարանի անդամ է:
Ստեֆան Կիտանով (Բուլղարիա)
Ստեֆան Կիտանով (Բուլղարիա)
Փառատոնի տնօրեն, պրոդյուսեր, դիտրիբյուտոր և ցուցադրող: 1992-99 թթ. Cinema House-ի՝ Բուլղարիայի ամենակարևոր արտհաուսային կինոթատրոնի ծրագրերի ղեկավարը և ռեժիսորն է եղել: 1997-ին հիմնել է Սոֆիայի ՄԿՓ-ը, որը Բուլղարիայի առաջատար կինոփառատոնն է, ինչպես նաև Կենտրոնական և Արևելյան Եվրոպայի կարևորագույն կինոիրադարձություններից մեկը: 2000-ականներից ի վեր Կիտանովը եղել է ազգային և միջազգային ասպարեզներում ճանաչում գտած ավելի քան 15 ֆիլմերի պրոդյուսերը և համապրոդյուսերը, որոնց թվում է Ստեֆան Կոմանդարևի «Աշխարհը մեծ է, իսկ փրկությունը թաքնված է անկյունի հետևում» ֆիլմը (2008), որը որպես լավագույն արտասահմանյան ֆիլմ առաջադրվել է «Օսկար»-ի, տարբեր միջազգային փառատոներում արժանացել ավելի քան 30 մրցանակի և վաճառվել ավելի քան 100 երկրի: Վերջին 15 տարում Կիտանովի ջանքերով Բուլղարիայում էկրան է բարձրացել ավելի քան 80 եվրոպական և անկախ ֆիլմ, այնպիսի ռեժիսորների գործեր, ինչպիսիք են Վիմ Վենդերսը, Միխայել Հանեքեն, Ֆրանսուա Օզոնը, Ֆաթիհ Աքինը, Լարս ֆոն Թրիերը, Ակի Կաուրիսմյակին, Նուրի Բիլգե Ջեյլանը, Քեն Լոուչը, Թերի Գիլիամը, Դարդեն եղբայրները, Դանիս Տանովիչը, Կոռնել Մունդրուցոն և Անդրեյ Զվյագինցևը: Կիտանովի ժյուրիի անդամ է եղել Վենետիկում, Կարլովի Վարիում, Մոսկվայում, Վիսբադենում, Ֆրանկֆուրտում, Սալոնիկում, Mediawave ԿՓ-ում, Տորունում, Վոլոգդայում, Եվրոպաական կինոակադեմիայում և Եվրախորհրդարանում: 2012-ին արժանացել է Europa Cinemas մրցանակին՝ որպես տարվա լավագույն ձեռնարկու, իսկ 2016-ին Բուլղարիայի մշակույթի նախարարությունընրան շնորհել է «Ոսկեդարի աստղ» մրցանակը: Կիտանովը Եվրոպական կինոակադեմիայի անդամ է:
Պիեռ Լեոն (Ֆրանսիա)
Պիեռ Լեոն (Ֆրանսիա)
Պիեռ Լեոնը ծնվել է 1959-ին Մոսկվայում ռուս մորից և ֆրանսիացի հորից: 1975-ին տեղափոխվել է Փարիզ: Առաջին ֆիլմը՝ «Կորածը», ասպարեզ է եկել 1981-ին: 1988-ից՝ «Երկու լուրջ տիկին» ֆիլմից հետո, սկսել է կայուն հաճախականությամբ նոր ֆիլմեր նկարահանել տեսաֆիլմի ձևաչափով («Առաջին պահին», 1994, «Քեռի Վանյա», 1997) կամ 16մմ-անոց ժապավենով («Դեռահասը», 2000): Պիեռ Լեոնը նաև թարգմանիչ է (Ցվետաևա, Բլոկ) և քննադատ (Traffic կինոհանդեսի խմբագրական խորհրդի անդամ): Որպես դերասան հանդես է եկել Ժան-Կլոդ Բիետի, Լուի Սկորեցկու, Սերժ Բոզոնի, Անն Բենհայեմի, Ժան-Շարլ Ֆիտուսիի, Պասկալ Բոնիցերի, Բերտրան Բոնելոյի և Ռիտա Ասևեյդու Գոմեշի ֆիլմերում: 2015-ին Պիեռ Լեոնը վերադարձել է Լոկառնոյի ԿՓ իր «Երկու Ռեմի, երկու» ֆիլմով, որը ներկայացվել է նաև Վիեննայի, Բելու Օրիզոնտիի, Մար դել Պլատայի, Կոլոմբոյի, Սևիլիայի և Սանկտ Պետերբուրգի կինոփառատոներում:
Հոմայուն Էրշադի (Իրան)
Հոմայուն Էրշադի (Իրան)
Հոմայուն Էրշադիի երասանական կարիերան սկսվել է «Բալի համը» ֆիլմով , որը 1997-ին Կաննի ՄԿՓ-ում արժանացել է հեղինակավոր «Ոսկե արմավենու ճյուղին»: Այնուհետև նա խաղացել է ավելի քան 40 խաղարկային կինոնկարում, 5 հեռուստատեսային սերիալում, 20 կարճամետրաժ ֆիլմում և 3 պիեսում: «Բալի համի» հետ մեկտեղ նրա մասնակցությամբ ստեղծված ամենակարևոր ֆիլմերից է Չիկագոյի ՄԿՓ-ում «Արծաթե Հյուգո»-ի արժանացած «Տանձենին» (1998): Հոմայուն Էրշադին անդամակցել է Իրանի «Յաս» ՄԿՓ-ի, Բեյրութի ՄԿՓ-ի և Իրանի կինոյի տան ժյուրիներին:
Submit
 
 Hirair and Anna Hovnanian Foundation
 
Օրաթերթ
 
Արձագանքներ
 
 
©2004-2018 ՈՍԿԵ ԾԻՐԱՆ ՄԻՋԱԶԳԱՅԻՆ ԿԻՆՈՓԱՌԱՏՈՆ. ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ: Դիզայն