Ժյուրի

Խաղարկային ֆիլմերի մրցույթ

Վերադարձ
 
Ռոբեր Գեդիգյան (Կետիկյան) (Ֆրանսիա)
Ռոբեր Գեդիգյան (Կետիկյան) (Ֆրանսիա)
Ռոբեր Գեդիգյանն ուսանում էր Փարիզի Բարձրագույն հետազոտությունների գործնական դպրոցի սոցիալական գիտությունների բաժնում, երբ Ռընե Ֆերեն 1977-ին նրան առաջարկեց գրել «Ֆեռնան» ֆիլմի սցենարը: 1980-ին ռեժիսոր Գետիկյանը Արիան Ասկարիդի և Ժերար Մեյլանի մասնակցությամբ նկարահանեց իր անդրանիկ ֆիլմը` «Անցյալ ամառը», որտեղ արդեն ներկա էին Մարսելն ու տեղի սոցիալական իրականությունը: Մի քանի ֆիլմից հետո հանրությունը 1997-ին ճանաչեց Գեդիգյանին «Մարիուսն ու Ժանետը» կինոնկարի շնորհիվ, որն արժանացավ «Լուի Դելյուկ» մրցանակին և «Սեզար» մրցանակ բերեց Արիան Ասկարիդին՝ որպես լավագույն դերասանուհու: Ապա ասպարեզ եկան «Սրտի տեղում», «Քաղաքը հանգիստ է», «Գրոհ» ֆիլմերը: Ռոբեր Գեդիգյանը նաև Agat Films & Cie/Ex Nihilo պրոդյուսերական խմբի հիմնադիրներից է: Այս անկախ ընկերությունն արտադել է ավելի քան 400 վավերագրական և խաղարկային ֆիլմ: Ռեժիսորն իր արմատներին է վերադարձել 2006-ին ստեղծված «Ուղևորություն դեպի Հայաստան» ֆիլմով, որն արժանացել է Անրի Լանգուա մրցանակին, ապա նկարահանել է «Լեդի Ջեյն» «սև» ֆիլմը, որը ներկայացվել է Բեռլինի ՄԿՓ-ում: Նրա 17-րդ աշխատանքը` «Կիլիմանջարոյի ձյուները», 2011-ին ընդգրկվել է Կաննի ՄԿՓ-ի պաշտոնական մրցույթի «Հատուկ հայացք» ծրագրում: Գեդիգյանի նոր ֆիլմը՝ «Խենթ պատմությունը», էկրան կբարձրանա մի քանի ամսից:
Փիթեր Սքարլեթ
Փիթեր Սքարլեթ
Հիմնել է Ակիրա Կուրոսավայի անվան մրցանակը, որը շնորհվում է ստղծագործական վաստակի համար: Հրավիրվել է գլխավորելու Ֆրանսիական ֆիլմադարանը՝ Եվրոպայի ամենահին ու ճանաչված կինոարխիվը: 2003-ին մեկնել է ԱՄՆ՝ Նյու Յորքի Թրայբեքա ԿՓ-ի գեղարվեստական ղեկավարի պաշտոնը ստանձնելու: Հետագայում տեղափոխվել է ԱՄԷ՝ դառնալով Աբու Դաբիի ՄԿՓ-ի գործադիր տնօրենը: Իր նպաստն է բերել նորարարական կինոյի զարգացման և հետարտադրական SANAD հիմնադրամի ստեղծմանը: Ժյուրիի անդամ է եղել բազմաթիվ կինոփառատոներում (Ալմաթիի, Կահիրեի, Դուբայի, Ժնևի Մարդու իրավունքների, Կարլովի Վարիի, Լոս Անջելեսի և այլն): Փարաջանով-Վարդանով ինստիտուտի (Բևըրլի Հիլզ, Քալիֆորնիա) խորհրդի անդամ է:
Ալեքսանդր Գրոզև (Բուլղարիա)
Ալեքսանդր Գրոզև (Բուլղարիա)
Ավարտել է Մոսկվայի Կինեմատոգրաֆիայի պետական ինստիտուտը (ՎԳԻԿ): Որպես կինոքննադատ թղթակցում է տարբեր կինոահանդեսների, պարբերականների և թերթերի: Կինոդիստրիբյուցիա է դասավանդում Սոֆիայի թատրոնի և կինոյի ազգային ակադեմիայում և կինոյի պատմություն` Բլագոևգրադի Հարավ-արևելյան համալսարանում: Հեղինակել է կինոյի պատմությանը վերաբերող շատ գրքեր, այդ թվում` եռահատոր «Բուլղարական կինոյի պամությունը»: 1993-ին հիմնել է Վառնայի Love Is Folly ՄԿՓ-ը, որի գեղարվեստական ղեկավարն է: 2004-09 թթ. եղել է Բուլղարիայի ազգային կինոկենտրոնի գործադիր տնօրենը: Բուլղարիայի կինեմատոգրաֆիստերի միության և FIPRESCI-ի Բուլղարիայի բաժանմունքի անդամ է: Ընդգրկվել է բազմաթիվ ազգային և միջազգային կինոփառատոների ժյուրիների կազմում:
Զազա Ուրուշաձե (Վրաստան)
Զազա Ուրուշաձե (Վրաստան)
Կինոռեժիսոր, սցենարիստ, պրոդյուսեր: Վրաստանի կինոգործիչների միության նախագահ, «Օսկար» և «Ոսկե գլուբուս» մրցանակների թեկնածու: 1982-1988 թթ. ռեժիսուրա է ուսանել Վրաստանի Շոթա Ռուսթավելու անվան թատրոնի և կինոյի պետական ինստիտուտում: Հայտնի է «Այստեղ լուսաբաց է» (1998), «Երեք տուն» (2008) և «Մանդարիններ» (2013) ֆիլմերով: «Մանդարինները» ներկայացվել և մրցանակներ է վաստակել աշխարհի տարբեր փառատոներում, ընդ որում՝ Վարշավայի ՄԿՓ-ի միջազգային մրցույթում լավագույն ռեժիսորական աշխատանք է ճանաչվել և շահել Հանդիսատեսների մրցանակը, իսկ 2013-ին Մայնհայմ-Հայդելբերգի ՄԿՓ-ում արժանացել Հատուկ և դարձյալ Հանդիսատեսների մրցանակներին:
Ալին Թաշչյան (Թուրքիա)
Ալին Թաշչյան (Թուրքիա)
Ծնվել է 1969-ին Թուրքիայում: 1991-ին ավարտել է Ստամբուլի համալսարանի հաղորդակցությունների բաժինը: 1992-ին սկսել է աշխատել «Milliyet Art Review»-ում և «Milliyet» օրաթերթում: Այս մեդիա խմբում անցկացրած 16 տարիներին եղել է թղթակից, կինոքննադատ և «Art Review»-ի խմբագիր: Միաժամանակ իր քննադատ գործընկերների հետ կինոծրագրեր է ստեղծել թուրքական ռադիոյի և TRT 2 հեռուստաընկերության մշակութային ալիքի համար: Ծրագրել և ներկայացրել է 24-րդ լրատվական ալիքի «Թեմատիկ ֆիլմեր» հաղորդաշարը: 2008-15 թթ. աշխատել է որպես «Star» օրաթերթի քննադատ և սյունակագիր: Ալին Թաշչյանը Թուրքիայի բոլոր խոշոր փառատոների խորհրդատուն ու ծրագրերի համակարգողն է եղել, անդամակցել բազմաթիվ ազգային և միջազգային կինոփառատոների ժյուրիներին: Եվրոպական կինոակադեմիայի անդամ է: Չորս տարվա փոխնախագահությունից հետո 2014-ին ընտրվել է FIPRESCI-ի նախագահ: Այժմ գրում է Թուրքիայի մշակույթն ու արվեստը ներկայացնող www.sanatatak.com նշանավոր հարթակում:
Moscow Cinema
Submit
 
 Hirair and Anna Hovnanian Foundation
 
Օրաթերթ
 
Արձագանքներ
 
 
©2004-2018 ՈՍԿԵ ԾԻՐԱՆ ՄԻՋԱԶԳԱՅԻՆ ԿԻՆՈՓԱՌԱՏՈՆ. ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ: Դիզայն