Ժյուրի

Վավերագրական ֆիլմերի մրցույթ

Վերադարձ
 
Մարեկ Հովորկա (Չեխիա)
Մարեկ Հովորկա (Չեխիա)
Ավարտել է Պրահայի գեղարվեստի ակադեմիայի (FAMU) կինոյի և հեռուստատեսության բաժինը որպես վավերագրող: Նրա ֆիլմացանկն ընդգրկում է հինգ կարճամետրաժ և միջին տևողության ֆիլմ: 1997-ին Յիհլավայում հիմնված վավերագրական ֆիլմերի ՄԿՓ-ի տնօրենն է: 1996-ին և 1997-ին քննարկումներ է կազմակերպել չեխական մշակույթի տարբեր ոլորտների ներկայացուցիչների հետ: Յիհլավայի վավերագրական ֆիլմերի ՄԿՓ-ն անդամակցում է եվրոպական վավերագրական կինոյի հինգ առանցքային ԿՓ-երի Doc Alliance գործընկերությանը (Կոպենհագենի CPH:DOX, Լայպցիգի DOK, Յիհլավայի վավերագրական ֆիլմերի ՄԿՓ, Վարշավայի Planete Doc Review, Նիոնի Visions du réel): Վավերագրական կինոյի «do» հանդեսի և «dok.revue» ամսագրի խորհրդատու խմբի անդամ է: Հրավիրվել է անդամակցելու տարբեր փառատոների միջազգային ժյուրիներին (օրինակ՝ Նիոնի Visions du Réel, Մյունխենի Doku.fest կամ Կրակովի ՄԿՓ):
Ջովաննի Դոնֆրանչեսկո (Իտալիա)
Ջովաննի Դոնֆրանչեսկո (Իտալիա)
Ֆլորենցիայում բնակվող ռեժիսոր և պրոդյուսեր: Նախ լուսանկարիչ է եղել, ապա վավերագրությանը դիմել՝ մի քանի ամիս անցկացնելով Մեքսիկայի Լակադոնյան ջոնգլիներում, որտեղ նկարահանել է ֆիլմ Սապատայի կողմնակիցների ապստամբության մասին: Հրապարակել է երկու վեպ և մի լուսանկարչական ալբոմ: Հիմնել է Altara Films ընկերությունը, որը թողարկում է իր և այլոց ֆիլմերը՝ առանձնակի ուշադրություն դարձնելով միջազգային համատեղ արտադրությանը: Դոնֆրանչեսկոյի գործերը ցուցադրվել են զանազան ՄԿՓ-երում: Նրա վերջին աշխատանքը` «Քարե գետը», որպես լավագույն վավերագրական աշխատանք արժանացել է Հռոմի ՄԿՓ-ի Պոջջալիի, Փարիզի Cinéma du Réel ԿՓ-ի Երիտասարդական ժյուրիի, Երևանի ՄԿՓ-ի «Ոսկե ծիրան» և իտալական «Ոսկե գլոբուս» մրցանակներին:
Նունու Սենա (Պորտուգալիա)
Նունու Սենա (Պորտուգալիա)
1969-ին Լիսաբոնում ծնված Նունու Սենան անկախ կինոյի IndieLisboa ՄԿՓ-ի հիմնադիրներից և ծրագրերի գլխավոր համակարգողներից է, փառատոն, որն արդեն տասնմեկ տարվա պատմություն ունի: Հաղորդակցության միջոցներ է ուսանել՝ ուսումն ավարտելով կինոյի մասնագիտացմամբ: Նախկինում եղել է Պորտուգալիայի կինոինստիտուտի վարչության աշխատակից և Պորտուգալական ֆիլմադարանի ու Կինոյի թանգարանի ծրագրերի և հրատարակչական բաժնի պատասխանատու: 2004-06-ին եղել է նաև վավերագրական կինոյի Doclisboa ՄԿՓ-ի ծրագրերի համակարգող: Այժմ IndieLisboa տնօրեն և ծրագրավորող լինելուց բացի, համալսարանում կինոյի պատմություն և վավերագրություն է դասավանդում:
Կորիննա Դանիելու (Ռուսաստան)
Կորիննա Դանիելու (Ռուսաստան)
Մոսկվայում ծնված լրագրող և թարգմանիչ: Ավարտել է Մոսկվայի պետական համալսարանի բանասիրական ֆակուլտետը: Հետագայում տեղափոխվել է Լոս Անջելես, որտեղ աշխատել է «Premiere», «Птюч», «Elle» հանդեսների ռուսական և ֆրանսիական հրատարակություններում: Այժմ ապրում է Փարիզում և զբաղվում փառատոների, հետահայաց ցուցադրությունների կազմակերպմամբ, նաև ռուսական ու եվրոպական կինոյին վերաբերող այլ գործունեությամբ: 2010-ից Վոլոգդայի՝ եվրոպական երիտասարդական կինոյի «Ձայներ» փառատոնի գեղարվեստական ղեկավարն է:
Սյուզան Խարտալյան (Շվեդիա)
Սյուզան Խարտալյան (Շվեդիա)
Ստոկհոլմում բնակվող սփյուռքահայ անկախ կինոռեժիսոր և լրագրող: Լրագրություն է ուսանել Բեյրութում և Փարիզում, լրագրող աշխատել Փարիզում մինչև 1988-ը, երբ սկսել է կինոյով զբավել: Ավարտել է Բոսթոնի Թաֆթի համալսարանի Ֆլեչեր դպրոցը միջազգային իրավունքի և դիվանագիտության մագիստրոսի աստիճանով: «Պատմության փրկություն. նկաահանելով վերապրածներին» գրքի հեղինակն է: Սյուզան Խարտալյանը նկարահանել է մի շարք վավերագրական ֆիլմեր, որոնց թվում են «Վերադարձ դեպի Արարատ»-ը (1988), «Անապահով հողը» (1993), «Նրա հայ արքայազնը» (1997), «Ափիոնից մինչև քրիզանթեմներ»-ը (2000), «Բառեր և քարեր. Ղազա»-ն (2000), «Տատիկին դաջվածքները» (2011): Այժմ Սյուզանն աշխատում է իր նոր ֆիլմի՝ «Այլ Երուսաղեմ»-ի վրա:
Moscow Cinema
Submit
 
 Hirair and Anna Hovnanian Foundation
 
Օրաթերթ
 
Արձագանքներ
 
 
©2004-2018 ՈՍԿԵ ԾԻՐԱՆ ՄԻՋԱԶԳԱՅԻՆ ԿԻՆՈՓԱՌԱՏՈՆ. ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ: Դիզայն