Ժյուրի

Վավերագրական ֆիլմերի մրցույթ

Վերադարձ
 
Արա Մնացականյան (Հայաստան)
Արա Մնացականյան (Հայաստան)
Ծնվել է 17.03.1953թ. Երեւանում: 1975-ին ավարտել է Երեւանի Պետական Համալսարանի ֆիզիկայի ֆակուլտետը, մասնագիտանալով մոլեկուլյար ֆիզիկայի և բիոֆիզիկայի ասպարեզում: 1984-ին ավարտել է Կինոյի Համամիութենական Պետական Ինստիտուտի (ՎԳԻԿ) ռեժիսորական ֆակուլտետը: Քսանից ավելի վավերագրական ֆիլմերի եւ երեսունից ավելի վավերագրական տեսաֆիլմերի և հեռուստահաղորդաշարերի հեղինակ է: Ֆիլմերը ցուցադրվել են Փարիզի, Նիոնի, Ալմա-Աթայի, Սանկտ-Պետերբուրգի, Պալանգայի, Աուգսբուրգի, Լոնդոնի փառատոններում: "ԱՐՄՆԱ ՖԻԼՄ" ստուդիայի հիմնադիր, պրոդյուսեր եւ "ՇԱՆԹ" հեռուստաընկերության գլխավոր ռեժիսոր:
Ռոն Հոլոուեյ (Գերմանիա)
Ռոն Հոլոուեյ (Գերմանիա)
Փիլիսոփայության դոկտոր է, ավարտել է Համբուրգի համալսարանը: Բեռլինում աշխատել է "Variety", "Hollywood Reporter" եւ "Moving Pictures" պարբերականների համար: Կինոյի, թատրոնի, մշակութային միջոցառումների մասին հոդվածներ է գրել նաեւ "Financial Times" եւ "Herald Tribune" թերթերի համար: Կինոյին եւ կինոարվեստի պատմությանը նվիրված վեց գրքի հեղինակ է: Որպես արեւելաեվրոպական կինոյի մանագետ` նախկին ԽՍՀՄ հանրապետությունների կինոռեժիսորների տվյալների բանկ է ստեղծել: Կնոջ` դերասանուհի Դորոթեա Մորիցի հետ, հրատարակում է "KINO. German Film and International Reports" հանդեսը, նկարահանել է չորս վավերագրական ֆիլմ: Չիկագոյի կինոյի ուսումնական կենտրոնի եւ Քլիվլենդի ֆիլմադարանի համահիմնադիրն է:
Գոդֆրի Ռեջջո (ԱՄՆ)
Գոդֆրի Ռեջջո (ԱՄՆ)
Ծնվել է Նյու Օռլեանում 1940-ին: 14 տարեկանում մտել է Քրիստոնյա եղբայրների կաթոլիկ հայրապետական ուխտ: Կյանքի 14 տարին անց է կացրել լռության, պահքի եւ աղոթքի մեջ: 60-ականներին, բնակություն հաստատելով Նյու Մեխիկոյում, դասավանդել է դպրոցում եւ քոլեջում: 1972-ին հիմնել է Սանտա Ֆե շրջանի կրթության ինստիտուտը. շահույթ չհետապնդող այդ հիմնադրամը ուշադրություն է հատկացրել հաղորդակցության միջոցների զարգացմանը, արվեստներին, համայնքի կազմակերպմանը եւ հետազոտություններին: "Կոյանիսկացին" (1983)` Ռեջջոյի` որպես ռեժիսորի եւ պրոդյուսերի առաջնեկը, "Կացի" եռերգության առաջին ֆիլմն է: "Պովակկացին" (1988)` Ռեջջոյի երկրորդ ֆիլմը, մարդասիրական փիլիսոփայությամբ լի ուղերձ է աշխարհի, բնության եւ հին մշակույթների հանդեպ տեխնոլոգիաների տարած հաղթանակի եւ անհետացող վեհության մասին: 1991-ին Ռեջջոն նկարահանել է "Anima mundi"-ն` Բնության համաշխարհային հիմնադրամի համար, որը ֆիլմն օգտագործել է կենսաբանական բազմազանության իր ծրագրում: 1993-ին Ռեջջոն հրավիրվեց ոտփի կանգնեցնելու "Բենետոն" ընկերության հիմնած արվեստների, տեխնոլոգիաների եւ լրատվամիջոցների նորաստեղծ դպրոցը: Այն բացվեց 1995-ի մայիսին իտալական Տրեվիզո քաղաքում: 2002-ին ավարտել է "Նակոյկացին"` եռերգության երրորդ ֆիլմը` դարձյալ Ֆիլիպ Գլասի երաժշտությամբ: Բնակվում է Սանտա Ֆեում եւ հաճախակի դասախոսություններ կարդում փիլիսոփայության, տեխնոլոգիաների եւ կինոյի վերաբերյալ:
Էրիկա Դե Հադելն
Էրիկա Դե Հադելն
Ծնունդով` Էրիկա ֆոն դեմ Հագենը ծնվել է Պոմերանիայում (Գերմանիա) 1941-ին: 1945-ին ընտանիքով տեղափոխվել են Արեւմտյան Գերմանիա: Ֆրայբուրգում, Փարիզում եւ Բեռլինում սովորելուց հետո, 1967-ին ավարտել է Բեռլինի Ազատ համալսարանը` Ֆրանսիայի պատմության, ֆրանսիական գրականության եւ ֆրանսերենի մագիստրոսի կոչումով: 1968-ին ամուսնացել է Մորից դե Հադելնի հետ: 1969-ին ամուսնու հետ հիմնադրել է Նիոնի վավերագրական ֆիլմերի միջազգային փառատոնը (Շվեյցարիա), որի նախագահն է եղել 1980-1994 թթ.: "Հայաստանի Խորհրդային Հանրապետության վավերագրական ֆիլմերը" հետահայաց ցուցադրության համահեղինակն է (1989/90): 1972-77 թթ. ղեկավարել է Միջազգային կինոփառատոների շվեյցարական ընկերությունը: 1979-ից աշխատակցել է ամուսնուն, որ նշանակվել էր Բեռլինի կինոփառատոնի նախագահ (1979-2001): Նրա կազմակերպչական մտահղացումներն ընդունելի են դարձել աշխարհի շատ կինոփառատոների համար: 2001-ին ամուսնու հետ հիմնել է "Դե Հադելն եւ գործընկերներ"` կինոխորհրդատվական եւ կազմակերպչական ընկերությունը: Եղել է Տաորմինայի, Մոսկվայի, Ամստերդամի եւ այլ կինոփառատոների ժյուրիների անդամ: 1990-ին արժանացել է Ֆրանսիայի մշակույթի նախարարության Արվեստի եւ գրականության ասպետի կոչման:
Մուհամադ Հաշեմ (Լիբանան)
Մուհամադ Հաշեմ (Լիբանան)
Կարիերան սկսել է որպես գծանկարիչ դիզայներ եւ անիմատոր` գլխավորելով արաբական հեռուստակայաններից մեկի ստեղծագործական բաժինը: Լիբանանյան եւ արաբակական ալիքներով ցուցադրված մի շարք կարճամետրաժ վավերագրական ֆիլմերի ռեժիսոր է, ՄԱԿ-ի FAO "TeleFood" մրցանակի դափնեկիր: 1999-ին հիմնել է DocuDays-ը` Բեյրութի վավերագրական կինոյի միջազգային փառատոնը (թվով 8-րդն է արդեն): Փառատոնը շարունակում է զորավիգ լինել արաբական վավերագրական կինոյին միջազգային ասպարեզում` համագործակցելով այլ փառատոների հետ եւ կազմակերպելով Լիբանանա-պաղոստինյան վավերագրական կինոյի շաբաթ: Հաշեմը եղել է մի շարք միջազգային կինոփառատոների (Էկոսինեմայի, Լայպցիգի, Տամպերեի եւ այլն) ժյուրիի անդամ: Վավերագրության արվեստի եւ գիտության դասընթացներ է վարել երիտասարդ կինեմատոգրաֆիստների համար` ի լրումն արաբական վավերագրությանը նվիրված դասախոսությունների: 2005-ին ձեռնարկել է "Վավերագրողների բեյրության հանդիպում եւ ֆորում"-ը` DocuDays-ին զուգահեռաբար ընթացող երկու իրադարձություն, որոնք նվիրված են ոչ խաղարկային ժանրի արտադրությանը: "Արաբ վավերագրողների ցանցի" ղեկավարն է, նորաստեղծ մի կազմակերպություն, որի նպատակն է ծառայել արաբ վավերագրողների համայնքին` ստեղծելով մշտապես գործող էլոկտրոնային ցանց ֆիլմերի, կինոգործիչների եւ կինոմասնագետների համար: Ներկայումս Հաշեմը մասնակից է արաբական աշխարհում կյանքի կոչվող մի քանի վավերագրական նախագծերի:
Moscow Cinema
Submit
 
 Hirair and Anna Hovnanian Foundation
 
Օրաթերթ
 
Արձագանքներ
 
 
©2004-2018 ՈՍԿԵ ԾԻՐԱՆ ՄԻՋԱԶԳԱՅԻՆ ԿԻՆՈՓԱՌԱՏՈՆ. ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ: Դիզայն