Կտոր մը երկինքՀայաստան
1980, 92min.
 Ռեժիսոր` Հենրիկ Մալյան, սցենարը` Ստեփան Ալաջաջյանի, Հենրիկ Մալյանի, Վահան Թոթովենցի "Կապույտ ծաղիկներ" պատմվածքի մոտիվներով, օպերատոր` Սերգեյ Իսրայելյան, նկարիչ` Ռաֆայել Պ. Բաբայան, կոմպոզիտոր` Տիգրան Մանսուրյան, հնչյունային ձևավորող` Յուրի Սայադյան, մոնտաժող` Հասմիկ Մելքոնյան
Դերերում. Մհեր Մկրտչյան, Աշոտ Ադամյան, Սոֆիկո Ճիաուրելի, Գալինա Բելյաևա, Տիգրան Ոսկանյան, Արմեն Կույումջյան
Մորաքրոջ և նրա արհեստավոր ամուսնու խնամքի տակ է մեծանում երկչոտ Թորիկը: Ամեն ինչ կարող էր խաղաղ ընթանալ, բայց Թորիկը, մեծանալով, ամուսնանում է հասարակաց տան աղջկա հետ: Քաղաքը չի կարող ներել նրան, բայց երիտասարդը, հանուն իր երջանկության, վճռականություն և համարձակություն է ցուցաբերում:
Արտադրող ընկերություն
"Հայֆիլմ" կ/ս | Մալյան, Հենրիկ Հենրիկ Մալյան (1925, Թելավի, Վրաստան - 1988, Երևան)
1942-1945 թթ. Թբիլիսիի գործարաններից մեկում աշխատել է որպես գծագրող և կապալառուի օգնական: 1951-ին ավարտել է Երևանի գեղարվեստաթատերական ինստիտուտի ռեժիսուրայի բաժինը, 1953-ին` Մոսկվայի թատերական ինստիտուտի ռեժիսուրայի բարձրագույն դասընթացը: 1951-1954 թթ. ռեժիսոր է եղել Երևանի տարբեր թատրոններում: 1954-1988 թթ. աշխատել է "Հայֆիլմ"-ում:
Ֆիլմացանկ
Նվագախմբի տղաները (Հ. Մարգարյանի հետ, 1960), Ճանապարհ դեպի կրկես (Լ. Իսահակյանի հետ, 1963), Մսյո Ժակը և ուրիշները ("Կեղծ լրտեսը" նովելը, 1964), Եռանկյունի (1967), Մենք ենք, մեր սարերը (1969), Հայրիկ (1972), Նահապետ (1977), Կտոր մը երկինք (1980), Մի կաթիլ մեղր (1982)
|
