Միջազգային մրցույթ

Պուհովսկի, Նենադ

Նենադ Պուհովսկի (ծն. 1949, Զագրեբ)
Սոցիոլոգիա, փիլիսոփայություն և կինոռեժիսուրա է ուսանել Զագրեբում: Իր առաջին ֆիլմը նկարել է տասնհինգ տարեկանում: Որպես պրոֆեսիոնալ ռեժիսոր ավելի քան 250 թատերական ներկայացման, հեռուստաֆիլմի և կինոնկարի հեղինակ է: Նրա վավերագրական աշխատանքները վերաբերում են սոցիալական խնդիրներին և տեսողական արվեստին: Այդ ֆիլմերից շատերը ցուցադրվել են միջազգային փառատոներում և արժանացել մրցանակների: 1997-ին հիմնադրել է Factum-ը, որը շուտով դարձել է անկախ վավերագրական ֆիլմեր թողարկող խորվաթական ամենախոշոր և ամենահեղինակավոր կինոընկերությունը: 2004-ին հիմնել և ղեկավարում է ZagrebDox վավերագրական կինոնկարների փառատոնը, որը ամենամեծն է տարածաշրջանում: Դասախոսում է Զագրեբում, որտեղ նախաձեռնել է վավերագրական կինոյի նոր մագիստրոսական ծրագիր: Դասախոսություններ է կարդացել Եվրոպայի, Ասիայի, Հյուսիսային ու Հարավային Ամերիկայի, Միջին Արևելքի և Աֆրիկայի կինոդպրոցներում: 2009-ին նրան շնորհել են Եվրոպայի վավերագրական համացանցի (EDN) մրցանակը` "Եվրոպայի վավերագրական մշակույթի զարգացման մեջ ունեցած ակնառու ավանդի համար": Պուհովսկին նաև EDN-ի ղեկավար խորհրդի, ինչպես նաև Եվրոպական կինոակադեմիայի անդամ է:

Ֆիլմացանկ
Տոյոտա Կորոլա 1000 (1974), Խաղի աստվածը (1975), Տենդ (1979), Հինգ ֆիլմ Նիվես Կ. Կ.-ի մասին (1980), Թիկունքում (1984), 22-րդ տաղավար (2002), Միասին (2009)