Միջազգային մրցույթ

Ռիքլիս, Էրան

Էրան Ռիքլիս (ծն. 1954, Երուսաղեմ)
1975-ից մուտք է գործել կինոաշխարհ: 1982-ին Բիքոնսֆիլդի (Անգլիա) կինոյի և հեռուստատեսության ազգային դպրոցն ավարտելուց առաջ կինո է ուսանել Թել Ավիվի համալսարանում: Առաջին ֆիլմը` իրական դեպքերի վրա հիմնված «Պարզ օրերին կարելի է տեսնել Դամասկոսը» քաղաքական թրիլերը, նկարահանել է 1984-ին: Յոթ տարի անց ասպարեզ է հանել «Գավաթի եզրափակիչ խաղը», որը մեծ գնահատականի է արժանացել կինոքննադատների կողմից և ցուցադրվել մի շարք կինոփառատոներում (այդ թվում` Բեռլինում և Վենետիկում): 1993-ին «Զոհարը» մեծ հիթ է դարձել Իսրայելում: «Սիրիացի հարսնացուն» դրվատանքի է արժանացել միջազգային ասպարեզում և ոչ միայն փառատոնային շրջանակներում: Ռիքլիսը նկարահանել է նաև կարճամետրաժ ֆիլմեր և հեռուստասերիալներ:

Ֆիլմոգրաֆիա
Պարզ օրերին կարելի է տեսնել Դամասկոսը (1984), Գավաթի եզրափակիչ խաղ (1991), Զոհար (1993), Սահմաններ (1999), Հրաբխային համակցություն (1999), Գայթակղություն (2002), Սիրիացի հարսնացուն (2004), Կիտրոնի ծառ (2008):