Ֆիլմեր Ա-Ֆ

Դավիդյան, Ռոբերտ

Ռոբերտ Դավիդյան
Տեսաֆիլմերի անկախ պրոդյուսեր, ռեժիսոր, օպերատոր և մոնտաժող: Ծնունդով Նյու Յորքից է, կյանքի կեսը բնակվել է Լոս Անջելեսում: Հետաքրքրությունը խցիկի և մոնտաժի հանդեպ սկսվել է 13 տարեկանում, երբ հայտնաբերել է նոր մահացած հոր 8 մմ-ոց կինոխցիկը: Քոլեջից հետո հեռուստահաղորդումների վարկանիշերի վերլուծաբան է աշխատել գովազդային գործակալություններում և ստուդիաներում: Time Warner Cable-ի կոմերցիոն պրոդյուսեր է եղել: 1992-ին անկախանալուց հետո, գործի բերումով, շրջել է ամբողջ աշխարհում, նկարահանել շոուներ, ռեպորտաժներ, քարոզչական և կրթական տեսաֆիլմեր MTV, Discovery, Oxygen Network, BBC և այլ հեռուստաընկերությունների, ինչպես նաև Toyota, Sony, Nike և այլ ընկերությունների համար: Հատկապես հպարտ է իր նախնիների հայրենիք Հայաստանում դպրոցի, մանկատան և բժշկական կլինիկայի մասին պատմող վավերագրական աշխատանքով, որը նախատեսվել է ԱՄՆ-ում ֆինանսներ հայթայթող կազմակերպությունների համար: 1994-ից նրա Davidian Video Productions ընկերությունն իրականացրել է տարբեր բնույթի նախագծեր:

Ֆիլմացանկ
Կարաոկե անուրջներ (2006), Վերադարձ (2009), Մուսա լեռան 40 օրը. ցեղասպանությունից 94 տարի անց (2009)