Ֆիլմեր Ա-Ֆ

Գովորուխին, Ստանիսլավ

Ստանիսլավ Գովորուխին (ծն. 1936, Սվերդլով)
Կինոռեժիսոր, սցենարիստ և դերասան: ՌԴ ժողովրդական արտիստ է, ՌԴ կինեմատոգրաֆիստների միության անդամ: 1958-ին ավարտել է Կազանի համալսարանի երկրաբանության ֆակուլտետը, եղել է Կազանի հեռուստաստուդիայի մոնտաժող և ռեժիսորի օգնական: 1966-ին ավարտել է Մոսկվայի համամիութենական կինոինստիտուտի (ՎԳԻԿ) ռեժիսորական ֆակուլտետը (Յակով Սեգելի արվեստանոց): 1965-1988 թթ. եղել է Օդեսայի կինոստուդիայի բեմադրող ռեժիսոր, 1987-1988 թթ.` տնօրեն: "Օդեսյան այլընտրանք" (1987) և "Ոսկե Դյուկ" (1988) կինոփառատոների հիմնադիր տնօրենն է: 1993-ից ՌԴ Պետդումայի պատգամավոր է, իսկ 1995-ից ղեկավարում է Չեչնիայի հակամարտության պատճառները և հանգամանքները քննող հանձնաժողովը: 14 կինոսցենարի և 4 գրքի հեղինակ է:

Ֆիլմացանկ
Ուղղահայաց (1966), Հրեշտակի օրը (1968), Սպիտակ պայթյուն (1969), Ռոբինզոն Քրուզոյի կյանքը և զարմանալի արկածները (1972), Մաքսանենգություն (1975), "Հույսի" քամին (1977), Հանդիպման վայրը փոխել չի կարելի (1979, h/ս), Թոմ Սոյերի և Հեքլբերի Ֆինի արկածները (1981, հ/ս), Նավապետ Գրանտին որոնելիս (1985, h/ս), Տասը փոքրիկ սևամորթներ (1987), Շամպայնի ցայտեր (1988), Այսպես չի կարելի ապրել (1990), Ռուսաստանը, որ մենք կորցրել ենք (1992), Մեծ քրեական հեղափոխություն (1994), Վորոշիլովյան հրաձիգը (1999), Օրհնեք կնոջը (2003), Ոչ միայն հացիվ (2005), Արտիստուհին (2007), Ուղևորուհին (2008)