Սատանայի կղզին Իսլանդիա
1996, 103min.
Պրոդյուսերներ` Ֆրիդրիք Թոուր Ֆրիդրիքսոն, Պետեր Աալբայք Յենսեն, Էյիդլ Օդեգորդ, Պետեր Ռոմել, ռեժիսոր` Ֆրիդրիք Թոուր Ֆրիդրիքսոն, սցենարի հեղինակ` Էյնար Քաուրասոն, օպերատոր` Արի Քրիստինսոն, կոմպոզիտորներ` Բյորգվին Հելգի Հալդոուրսոն, Հիլմար Էդն Հիլմարսոն, նկարիչ` Աուդնի Պաուդլ Յոուհանսոն, հնչյունային ձևավորող` Քյարթան Քյարթանսոն, մոնտաժողներ` Սքյուլե Էրիքսոն, Սթեյնգրիմյուր Կառլսոն
Դերերում. Բալթասար Քորմաուքյուր, Գվյուդմյունդյուր Օուլաֆսոն, Սիգյուրվեյգ Յոնսդոութիր, Գիսլի Հալդոուրսոն, Հալդորա Գեյրհարսդոութիր, Ինգվար Սիգյուրսոն, Մագնուս Օուլավսոն, Պաուլինա Յոունսդոութիր, Սագա Յոունսդոութիր, Սվեյնֆյոուրիր Գեյրսոն
50-ականների Իսլանդիային վերաբերող դառնանուշ պատմություն է: Կյանքը ծանր է հետպատերազմյան Ռեյկյավիկի հետնախորշում գտնվող Թյուլե ճամբարում, որտեղ ամերիկյան լքված զորանոցները ժամանակավոր ապաստան են դարձել: Տանջվող կանայք և նրանց աշխատավոր ամուսինները ջանում են ծայրը ծայրին հասցնել: Երիտասարդ սերունդը երազում է դոլարների, ռոքնռոլի և ամերիկյան ապրելակերպի մասին: Իրենց թշվառությունը նշելու, թե մոռացության տալու համար` նրանք խմելու առիթը երբեք բաց չեն թողնում: Ֆիլմը պատկերում է մի անսովոր ընտանիքի, նրա հարևանների ու բարեկամների առօրյան` ցույց տալով, թե ինչպես են որոշ երազանքներ իրականանում, իսկ մյուսները` ոչ:
Մրցանակներ
"Ամանդա" մրցանակ` լավագույն սկանդինավյան խաղարկային ֆիլմի համար (Նորվեգիա, 1997), Միջազգային մրցույթի լավագույն խաղարկային ֆիլմ (Ատլանտյան ԿՓ, 1997), FIPRESCI-ի մրցանակ (Կառլովի Վարիի ՄԿՓ, 1997), Երիտասարդ հանդիսատեսների մրցանակ (Ռուանի սկանդինավյան ԿՓ, 1997)
Արտադրող ընկերություններ
Icelandic Film
Filmhuset, Norway
Peter Rommel Film Production, Germany
Zentropa Entertainments, Denmark
| Ֆրիդրիքսոն, Ֆրիդրիք Թոուր  Ֆրիդրիք Թոուր Ֆրիդրիքսոն (ծն. 1953, Ռեյկյավիկ)
Ռեժիսոր և պրոդյուսեր: Կինոկարիերան սկսել է 1980-ականներին` փորձարարական և վավերագրական ֆիլմերով: 1990-ին հիմնադրել է Icelandic Film Corporation-ը, որը, դառնալով Իսլանդիայի ամենահզոր կինոընկերությունը, արտադրում է Ֆրիդրիքսոնի ֆիլմերը, ինչպես նաև աշխատում Իսլանդիայի այլ ռեժիսորների և պրոդյուսերների հետ: Ֆրիդրիքսոնի միջազգային հեղինակությունը նպաստում է, որպեսզի ընկերությունը համագործակցի այնպիսի գործընկերների հետ, որպիսիք են Լարս ֆոն Թրիերի Zentropa-ն և վերջերս էլ Ֆրենսիս Ֆորդ Կոպոլայի American Zoetrope-ը: Ֆրիդրիքսոնն աշխատել է Իսլանդիայի երկու ամենահեղինակավոր վիպասանների ու սցենարիստների` Էյնար Մաուր Գվյուդմյունդսոնի ("Բնության զավակները", "Տիեզերքի հրեշտակները", "Կինոյի օրեր") և Էյնար Քաուրասոնի ("Սպիտակ կետաձկներ", "Սատանայի կղզին", "Բազեներ") հետ:
Ֆիլմացանկ
Nomina Sunt Odiosa (1975), Այրված Նյալի ասքը (1980), Դարբինը (1981), Ռոքը Ռեյկյավիկում (1982), Իսլանդացի կովբոյներ (1984), Պտույտ (1985), Սպիտակ կետաձկներ (1987), Անհուն երկինք (1989, հ/ֆ), Սիրունիկ հրեշտակներ (1990), Բնության զավակները (1991), Կինոյի օրեր (1994), Սառը տենդ (1995), Սատանայի կղզին (1996), Տիեզերքի հրեշտակները (2000), Վերև, ներքև (2000, հ/ֆ), Բազեներ (2002), Նայսլանդիա (Բնակչությունը`1.000.002) (2004), Արևաշող տղան (2009, վավ.), Գոուգոու մայրիկը (2010)
|
