Ֆիլմեր Ա-Ֆ

Թոմսոն, Դանիել

Դանիել Թոմսոն (ծն. 1942, Մոնակո)
Ուղիղ 20 տարեկան էր, երբ հայրը` Ժերար Ուրին, խնդրեց սցենարի հարցում իր օգնականը լինել: Սցենարիստի նրա կարիերան սկսվեց “Մեծ զբոսանք” ֆիլմով և շարունակվեց “Ուղեղը” (1968), “Մեծամոլություն” (1974) և “Ռաբբի Հակոբի խենթ արկածները” (1970) ժապավեններով: Շարունակելով հոր հետ կանոնավորապես աշխատել (“Փախուստ”, “Հովանոցի ծակոց”, “Վարպետաց վարպետը”, “Ղևին և Գողիաթը”)` նա դարձավ Ֆրանսիայի ամենապահանջված սցենարիստներից մեկը, աշխատեց այնպիսի ռեժիսորների հետ, ինչպիսիք են Ժան-Շառլ Տակելան (“Զարմիկ, զարմուհի”, 1975, ներկայացվել է “Օսկարի”` լավագույն սցենարի համար), Կլոդ Պինոտոն (“Բում”, 1980, “Բում 2”, 1982, “Ուսանողուհին”, 1988, “Ձյուն և կրակ”, 1989), Էլի Շուրաքին (“Արջամկներ”, 1992), Պատրիս Շերոն (“Մարգո թագուհին”, 1993, “Ով ինձ սիրում է` գնացք կնստի”, 1996), Ալեն Բերբերյանը (“Պապարացցի”, 1997) և Գաբրիել Ագիոնը (“Սիրելի զոքանչը”, 1999): Այս ֆիլմերի մի մասը դարձավ ֆրանսիական ամենամեծ հիթերից: Երկար ժամանակ Թոմսոնն ուզում էր ինքը նկարահանել: Հետո հղացավ իր առաջին ֆիլմը` “Սուրբ ծննդյան կարկանդակը”: Կինոնկարը նշանակալից շահութաբեր հաջողություն ունեցավ և 2000-ին ներկայացվեց մի քանի “Սեզար” մրցանակի, որոնցից մեկը` կնոջ լավագույն երկրորդական դերի համար, բաժին ընկավ Շարլոթ Գենզբուրին: 2003-ին Թոմսոնի երկրորդ խաղարկային աշխատանքը` “Ժամանակի տարբերությունը”` Ժյուլիետ Բինոշի և Ժան Ռենոյի մասնակցությամբ, հանդիսատեսների շրջանում դարձյալ մեծ հիթ դարձավ: 2006-ին նա նոր կատակերգություն նկարահանեց` “Պարտերի տեղերը”:

Ֆիլմացանկ
Սուրբ ծննդյան կարկանդակը (1999) Ժամանակի տարբերություն (2002), Նվագախմբի տեղերը (2005), Կանոնները փոխվել են (2009):