Աղջնակը Իտալիա / Ավստրալիա
2009, 100min.
Պրոդ./օպեր.` Ռայներ Ֆրիմել, սց./հնչ./մոնտ.` Տիցցա Կովի, ռեժ.` Տիցցա Կովի, Ռայներ Ֆրիմել:
Դերերում. Պատրիցիա Ջերարդի, Ասյա Կրիպպա, Տայրո Կարոլի, Վալտեր Զաաբել:
Զբոսայգում լքված երկամյա աղջնակին` Ասյային գտնում է կրկեսում աշխատող Պատին, որն ամուսնու` Վալտերի հետ բնակվում է Հռոմի արվարձանում, Սան Բազիլիոյի կցաֆուրգոնների կայանատեղում: Տայրոյի` տատի հետհարևան կոնտեյներում ապրող պատանու օգնությամբ Պատին սկսում է փնտրել երեխայի մորը և անորոշ ժամանակով նոր ապաստան տալիս աղջնակին: Ֆիլմն այսօրվա Իտալիայի անօթևանների աշխարհի մասին է, հուզիչ պատմություն խտրականության և արիության, կորստի ու հոգեհարազատության մասին, մի հայացք, որն ուղղված է պարսպված հասարակության երկաթե ցանկապատից այն կողմ:
Մրցանակներ
Europa Cinemas մակնիշ (Կաննի ՄԿՓ, 2009):
| Կովի, Տիցցա  Տիցցա Կովի (ծն. 1971, Բոլցանո, Իտալիա)
Վիեննայի գրաֆիկայի ինստիտուտում լուսանկարչություն ուսանելուց հետո բնակվում է Փարիզում և Բեռլինում: Ուսումն ավարտելուն պես մեկնել է Հռոմ, որտեղ ազատ լուսանկարիչ է աշխատել: Բազմաթիվ խրախուսական պարգևներ է ստացել իր լուսանկարների համար:
Ֆիլմացանկ
Ինչ գեղեցիկ է կյանքը (1997), Վիեննա. յոթ տեսարան (1998), Սա է ամբողջը (2000), Նոթեր պարտերի խորքից (2001), Բաբուշկա (2005), Աղջնակը (2009):
Ֆրիմել, Ռայներ  Ռայներ Ֆրիմել (ծն. 1971, Վիեննա)
Ավարտել է Վիեննայի գրաֆիկայի ինստիտուտը: Լուսանկարների համար խրախուսական պարգևներ է ստացել Հռոմում, Փարիզում և Նյու Յորքում: 2002-ին Տիցցա Կովին և Ռայներ Ֆրիմելը հիմնել են Vento Film կինոընկերությունը` իրենց ֆիլմերն անկախ արտադրելու համար: ՙԱղջնակը՚ նրանց առաջին լիամետրաժ խաղարկային աշխատանքն է:
Ֆիլմացանկ
Աղջնակը (2009):
|
