Անապատի հարսնացուները Իսրայել
2009, 90min.
Պրոդ./սց./ռեժ.` Ադա Ուշպից, օպեր.` Դանոր Գլազեր, հնչ.` Ալեքս Կլոդ, մոնտ.` Ռոն Գոլդման:
Բազմակնության համակարգում պայքարող երեք բեդուին կանանց` իսրայելական Նեգև անապատի բնակչուհիների պատմությունն է, որ ներկայացվում է հարսանյաց լուսանկարիչ Միրամ Ալ-Քուդերի աչքերով: Նա ինքն էլ ապրում է մշտական վախը սրտում, թե ամուսինն «իր վրա» կամուսնանա (այս արտահայտությունն օգտագործվում է, երբ տղամարդը հավելյալ կին է ընտրում): Մյուս երկու կանանց ստիպել են ամուսնանալ արդեն կնատեր տղամարդկանց հետ և դառնալ «երկրորդ կին»` հարկադրելով գործել մի կառույցի մեջ, որը նրանք արհամարհում են, կամ էլ` վախով վերաբերվում դրան: Ֆիլմում պատկերված ընտանեկան ողբերգությունները շեշտում են սոցիալական կառույցների ուժն ու դիմացկունությունը, դրանց անարդարությունները, որ, սովորաբար, հենվում են զոհերի պարտադրված համակերպման վրա: Ֆիլմը խորանում է փակ հասարակության ու նաև այն հուզական տարածքի մեջ, որը հազվադեպ է բացահայտվում:
Մրցանակներ
Գլխավոր մրցանակ (DocAviv ՄԿՓ), Գլխավոր մրցանակ (Կանանց իսրայելական ՄԿՓ), լավագույն օպերատորական աշխատանք (Իսրայելական կինոակադեմիայի մրցանակներ վավերագրության համար):
| Ուշպից, Ադա Ադա Ուշպից
Վավերագրական ֆիլմերի ռեժիսոր և պրոդյուսեր: 32 տարի «Հա’Արեց» թերթի լրագրողն է եղել: Բակալավրի կոչում ունի փիլիսոփայությունից և գրականությունից, մագիստրոսի կոչում` կինոարվեստից, ինչպես նաև պատմական գիտությունների թեկնածու է:
Ֆիլմացանկ
Ձերբակալվածը (2001), Արյունոտ դաշինք (2004), Անապատի հարսնացուները (2009):
|
