Ֆիլմեր Ա-Ֆ

Մորդոնթ, Քիմ

Քիմ Մորդոնթ
Կինոկարիերան սկսել է Մեծ Բրիտանիայում, որպես հետազոտող BBC և Channel 4-ի վավերագրական ֆիլմերի համար: Նրա առաջին վավերագրական աշխատանքը, որի պրոդյուսերն էր նաև, «45 տարին բավական է» վերնագրով ( 26 րոպե, 1992), բուլղարական հեռուտատեսության համար, քննում էր արվեստագետների կյանքը Բուլղարիայում` երկաթե վարագույրի խորտակվելուց առաջ և հետո: Ապա Մորդոնթը SBS TV-ի համար նկարահանեց և որպես պրոդյուսեր թողարկեց «Փրկություն» 52- րոպեանոց վավերագրական ֆիլմը Ավստրալիայի բնիկների «Փրկության օր» համերգի մասին: 1995-ին, դարձյալ SBS TV-ի համար, նա Քեթի Իթոքի հետ ասպարեզ հանեց «Հեղինակային իրավունքները» (52 րոպե)` տեղաբնակ արտիստների իրավունքների պաշտպանության մասին: Ֆիլմը 18 ամսվա մեջ երեք անգամ ցուցադրվեց SBS-ի «Գլուխգործոց» ֆիլմաշարով և վաճառվեց ամբողջ աշխարհում: 2000-ին Մորդոնթը SBS TV-ի համար նկարահանեց «Արագության քաղաքը» 26- րոպեանոց վավերագրական ժապավենը, որ Սիդնեյի կենտրոնի պատկերն է երեք հանձնակատար հեծանվորդների աչքերով: Ֆիլմը լավագույն կարճամետրաժ վավերագրական կինոնկար ճանաչվեց Ֆենիքսի ԿՓ-ում (ԱՄՆ) և լավագույն վավերագրական կինոնկար` Բայրոնի Բեյի ԿՓ-ում, ցուցադրվեց բազմաթիվ կինոփառատոներում, այդ թվում` և Հռոմում: Իր սցենարով Մորդոնթը նկարահանել է նաև «Բակապահ շան ուրվականը» 15-րոպեամոց դրաման` հոգեբուժարանում ստեղծված մի սիրո պատմություն, որը լավագույն դրամա է ճանաչվել Բայրոն Բեյի ԿՓ-ում: Ֆիլմը ներկայացվել է նաև մի շարք միջազգային կինոփառատոներում, ներառյալ և Լոս Անջելեսի կարճամետրաժ ֆիլմերի ԿՓ-ը, Թելուռայդի անկախ կինոյի փառատոնը, Բիլբաոն և Սան Պաուլուն: 2005-ին Մորդոնթը նկարահանեց «Խցկելով Միջին Ա» 50-րոպեանոց դրաման: Ֆիլմը ցուցադրվեց Մումբայի և’ Սենթ Քիլդայի ԿՓ-երում, և’ SBS հեռուստաալիքով: 2007-ին Մորդոնթը հրապարակ հանեց իր առաջին լիամետրաժ ֆիլմը` «Ռումբերի բերքահավաքը»` կինոթատրոններում ցուցադրելու համար: Սիդնեյի ԿՓ-ում ֆիլմի պրեմիերան ընդունվեց հոտնկայս ծափահարությամբ:

Ֆիլմացանկ
45 տարին բավական է (1992), Փրկություն (1994), Հեղինակային իրավունքներ (1995), Արագության քաղաք (2002), Բակապահ շան ուրվականը (2005), Խցկելով Միջին Ա (2005), Ռումբերի բերքահավաք (2007):