Աթոս լեռ, վանականների հանրապետություն Ֆրանսիա
2009, 52min.
Պրոդ.` Ֆիլիպ Օբեր, Մարի-Քրիստին Ֆոնտեն, սց.` Էդի Վիգեն, Իվոն Բերտորելլո, ռեժ.` Էդի Վիգեն, օպեր.` Էդի Վիգեն, Գրեգուար Օզան, կոմպոզ.` Համիդ Թիերի Մալե, հնչ.` Միքայել Կյուրեղյան, մոնտ.` Էլեն Պլեմյաննիկով:
Աթոս լեռը ինքնավար աստվածապետական հանրապետություն է, որ գտնվում է Հունաստանի հյուսիսում և սեփական կառավարությունը, ոստիկանությունը, խորհրդարանը, սովորույթներն ունի: 963 թվականին մի բյուզանդացի կայսեր հիմնած այս բացառիկ անկլավը` իր հազարամյա պատմությամբ, արգելված վայր է եղել կանանց և խցիկների առաջ: Վերջին մի քանի տարում բազմաթիվ ուղևորություններ են պահանջվել վավերագրական ֆիլմ նկարահանելու թույլտվության համար: Ապշեցուցիչ բնության գրկում հազարավոր վանականներ են ապրում մենաստաններում, որոնք իսկական ամրոցներ են հիշեցնում: Այդ մենաստանները քրիստոնեությանը նվիրված հսկայական գրադարան ունեն, որը երկրորդն է իր մեծությամբ: Սա սրբազան գանձերով և թանկարժեք ձեռագրերով հարուստ սուրբ հող է: Առաջին անգամ արգելված տարածքն իր դռներն է բացել խցիկների առաջ:
| Վիգեն, Էդի  Էդի Վիգեն (ծն. 1976, Փարիզ, Ֆրանսիա)
Սեփական սցենարներով վավերագրական ֆիլմեր նկարահանելուց առաջ ռեժիսորի ասիստենտ է եղել, մոնտաժող և երկրորդ օպերատոր: 7 վավերագրական աշխատանք ունի: Դարձել է “Ընտանիքի այս պարոնայք” (Ces messieurs de la famille) շարքի հեղինակն ու ռեժիսորը, որը նվիրված է կինոյի ոսկեդարի ֆրանսիացի ռեժիսորներին: Այս դիմանկարները ստեղծելիս համագործակցել է այնպիսի կենդանի լեգենդների հետ, ինչպիսիք են Ջեյն Ֆոնդան, Կլաուդիա Կարդինալեն և Բրիջիտ Բարդոն: Դեռ այդ շարքի վրա աշխատելիս, իր համահեղինակ Իվոն Բերտորելլոյի հետ, ձեռնարկել է Աթոս լեռ կոչված վանական հանրապետության մասին պատմող կինոնկար: Վեց տարի է պահանջվել, հարյուրավոր նամակներ և մի շարք ուղևորություններ վանական հանրապետության ներսում նկարահանումներ անելու մասնակի թույլտվություն ստանալու համար: Վիգենի համար դրդապատճառ է դարձել նյութի բացառիկությունը:
Ֆիլմացանկ
Քրիստիան-Ժակ. տղամարդը, որ սիրում էր կանանց (2003), Անրի Ժորժ-Կլուզո, արտասովոր բռնակալը (2004), Մարսել Կառնե, ապրող կինոխցիկը (2005), Ռոժե Վադիմ, երջանկության միլիարդատերը (2006), Գիշերվա պահապանները (2007), Աթոս լեռ, Վանականների Հանրապետություն (2008):
|
