Ֆիլմեր Ա-Ֆ

Հրաշալի քաղաք

Թաիլանդ
2007, 92min.

Պրոդ.` Սորոս Սուխում, Ջետնիփիթ Թիրակուլչանյութ, սց./ռեժ.` Ադիտյա Ասարաթ, օպեր.` Ումպորնպոլ Յուգալա, կոմպոզ.` Զայ Կունինգ, Կոիչի Շիմիձու, նկ.` Քարանյապաս Խամսին, հնչ.` Աքրիտչալերմ Կալայանամիտր, մոնտ.` Լի Չատամետիկուլ:
Դերերում. Անչալի Սայսունթորն, Սուպհասիթ Քանսեն, Դուլ Յամբունյինգ:

Տակուա Պան փոքրիկ քաղաք է Թաիլանդի հարավում: Սա տխրության քաղաք է: Ցունամիից հետո մարդիկ կորցրել են աշխատանքը: Ոչինչ չկա անելու: Երիտասարդները մոտոցիկլետներով պտույտներ են տալիս: Ծերերը հիշում են անցյալի լավ ժամանակները: Մի օր Թոն անունով մի անծանոթ է հայտնվում քաղաքում: Ճարտարապետ է: Շուտով նա սենյակ է վարձում Նային` «քաղաքի դստերը» պատկանող փոքրիկ հյուրանոցում: Գաղտնի սեր է ծնվում նրանց միջև, բայց շուտով շշուկներ են տարածվում: Քաղաքը գտնում է իր թշնամուն: Ֆիլմը սիրո մասին է, որը ծնվում է այնտեղ, ուր այլևս սեր չկա, ինչպես կեղտի մեջ աճող ծաղիկը, և քաղաքի մասին է, որը ձգտում է կործանել իրեն չպատկանող գեղեցկությունը: Կարո՞ղ է քաղաքը նորից հրաշալի դառնալ:

Մրցանակներ
«Նոր հոսանքներ» ծրագրի մրցանակ (Պուսանի ՄԿՓ, 2007), Ժյուրիի հատուկ մրցանակ (Լաս Պալմասի ԿՓ, 2008), «Վագր» մրցանակ (Ռոտերդամի ՄԿՓ , 2008).