Ֆիլմեր Ա-Ֆ

Լի, Յան

Յան Լի (ծնվ. 1959, Չինաստան)
Ծնվել է դերասանների ընտանիքում և մեծացել թատերական միջավայրում: Դպրոցն ավարտելուց հետո 1978-1985 թթ. աշխատել է Պեկինի երիտասարդական թատրոնում: 1985-1987 թթ. կինոռեժիսուրա է ուսանել Պեկինի Ռադիոհեռուստատեսության ինստիտուտում: 1988-1990 թթ. գերմանական գրականություն է ուսումնասիրել Բեռլինի Ազատ համալսարանում, իսկ 1990-1992 թթ.` թատերագիտություն Մյունխենի Լյուդվիգ-Մաքսիմիլիան համալսարանում: Այս ընթացքում նաև դերասան է եղել գերմանական հեռուստատեսությունում: Ավարտելուց հետո` 1992-1995 թթ., շարունակել է կինոռեժիսուրա ուսանել Քյոլնի ակադեմիայում: Այդ տարիներին սեփական սցենարներով նկարել է մի քանի վավերագրական ֆիլմ: 2003-ին ասպարեզ է հանել իր առաջին խաղարկային աշխատանքը` «Կույր նետը», որի սցենարիստն է, ռեժիսորը և պրոդյուսերը: Ամբողջովին Չինաստանում նկարահանված ֆիլմն արժանացել է Բեռլինի ՄԿՓ-ի «Արծաթե արջ» մրցանակին:

Ֆիլմոգրաֆիա
Կանանց թագավորություն (1991), Կարապի ուրախ երգ (1994), Արթնություն (1996), Կույր նետը (2003), Կույր սարը (2007):