Ֆիլմեր Ա-Ֆ

Դանիլյանց, Տատյանա

Տատյանա Դանիլյանց
Գեղարարվեստ և արվեստի պատմություն է ուսանել Մոսկվայի Սուրիկովի անվ. արվեստի ինստիտուտում, կինոռեժիսուրա` Բարձրագույն կինոդասընթացում: Եղել է Անջեյ Վայդայի ուսանողուհին (Կրակով, 1997): Կինոռեժիսոր է աշխատել հեռուստատեսությունում և տարբեր կինոընկերություններում (TNT, Կլիո-ֆիլմ և այլն), սցենարիստ` միջազգային գովազդային գործակալություններում: 2001-ին Նիլ Ուիթերզի հետ հիմնել է «Butterfly Angel» կինոստուդիան (Մոսկվա): 2004-ից Ռուսաստանում եզակի` «Մոսկվա. արտհաուսը կարճամետրաժ ֆիլմերում» ծրագրի համակարգողն է, ծրագիր, որ աջակցում է կարճամետրաժ կինոյին: Դանիլյանցը նաև բանաստեղծուհի է, ազատ բանաստեղծության միջազգային մրցույթի կրկնակի դափնեկիր, պոեզիայի երկու գրքի հեղինակ: Ապրում և աշխատում է Մոսկվայում:

Ֆիլմոգրաֆիա
Հին նեգատիվներ (1997), Ու (2001), Երազների որմնանկարներ (2006), Ծածուկ պարտեզ (2008):