Ֆիլմեր Ա-Ֆ

Խամդամով, Ռուստամ

Ռուստամ Խամդամով (ծն. 1944, Տաշքենդ):
Նկարիչ, ռեժիսոր, "Տրիումֆ" եւ "Ազգային մշակութային գանձ" մրցանակների դափնեկիր: 1969-ին ավարտել է Մոսկվայի կինոինստիտուտի ռեժիսուրայի ֆակուլտետը (Գ. Չուխրայի արվեստանոց): 90-ականների սկզբին Փարիզի քաղաքապետի հրավերով բնակվել է Ֆրանսիայում, այժմ ապրում է Մոսկվայում: Նկարչական գործերը գնվել եւ այժմ ցուցադրվում են Փարիզում, Լոնդոնում եւ ընդգրկված են մասնավոր հավաքածուներում: Լինելով համաշխարհային նյութական մշակույթի երեւելի գիտակ եւ ինքնատիպ արվեստագետ` ձեւավորման էսքիզներ է արել բարձր նորաձեւության եւ պատրաստի հագուստի որոշ եվրոպական տների պատվերներով, ակնեղենի էսքիզներ` ԱՄՆ-ի Ռուսական աշխարհի ցուցասրահի համար, թատերական նախագծերի, ներառյալ` Անդրեյ Կոնչալովկու "ճայի" (2004), զգեստների հեղինակն է: Նրա առաջին խաղարկային ֆիլմը` "Իմ սիրտը լեռներում է" ուսանողական աշխատանքը, համաշխարհային կինոիրադարձություն դարձավ` հուզելով Ֆելինիին եւ Անտոնիոնիին: Երկրորդ ֆիլմը ավարտին չհասցվեց, իսկ երրորդի` "Աննա Կարամազովա"-ի պրեմիերան կայացավ Կաննի փառատոնի մրցութային ծրագրում եւ արժանացավ մամուլի խանդավառ ու հակասական արձագանքին:

Ֆիլմոգրաֆիա
Իմ սիրտը լեռներում է (1967), Անակնկալ ուրախություններ (1974, անավարտ), Աննա Կարամազովա (1991), Վոկալ զուգահեռներ ( 2005):

Հոլմքվիսթ, Փեո Օքե

Փեո Օքե Հոլմքվիսթ (ծն. 1947, Քրիսթիանսթադ)
Ուսանել է Քրիսթեր Սթրյոմհոլմի լուսանկարչական դպրոցում: Սկզբնապես աշխատել է որպես լուսանկարիչ եւ օպերատոր: 1975-ից անկախ վավերագրող եւ պրոդուսեր է: 1992-ից Շվեդիայի ազգային կինոդպրոցի` Դրամատիկական ինստիտուտի փաստագրության բաժնի պատասխանատուն է: 1995 - 1999 թթ. եղել է Եվրոպական փաստագրական ցանցի նախագահը: Նկարահանել եւ արտադրել է ավելի քան 50 փաստագրական կինոնկար: Այժմ Ստոկհոլմի Դրամատիկական ինստիտուտի պրոֆեսորի ասիստենտ է:

Ֆիլմոգրաֆիա
Սահմանին (1969), Երկար շղթա (1971), Բոյկոտ (1975), Երուսաղեմի ճակատամարտը (1979), Դանի հիշատակին (1982), Ռաշեդիյեի ավերածության երեք օրը (1982), Գազայի գետտոն (1984)

Սյուզան Խարտալյանի հետ`
Արարատի վերադարձը (1988), Հաղորդում Լեռնային Ղարաբաղից (1990), Երեխաների Բեյրութը (1990), Նորից արի, Գաբի (1991), Նրանք թակեցին մեր դուռը (1991), Անապահով հող (1993), Գազայի առյուծը (1996), Նրա հայ ասպետը (1997), Հաշիշից մինչեւ քրիզանթեմներ (2000), Բառեր եւ քարեր` Գազա (2000), Որտե՞ղ է իմ հաղթանակը (2002):