ՌԱՍ ֆիլմերի ծրագիր

Բաղդասարյան, Գոռ

Գոռ Բաղդասարյան (ծն. 1988, Երևան)
Ֆիլմեր սկսել է նկարահանել 2002-ից` ՙՄանանա՚ երիտասարդական կրթական-մշակութային կենտրոնում, որտեղ կինոռեժիսուրա և լրագրություն է ուսանել: 2006-ին հիմնել է ՙՄանանա՚ կինոստուդիան, որի համադրողն է մինչ օրս: Այժմ սովորում է Երևանի պետական համալսարանի փիլիսոփայության և հոգեբանության ֆակուլտետի մագիստրատուրայում: Իր բոլոր ֆիլմերը նկարահանել է սեփական սցենարներով: Մրցանակների է արժանացել տարբեր փառատոներում: Հանդես է գալիս UNICEF-ի, ՙՄեկ րոպե՚ հիմնադրամի և Սանդբերգի կինոինստիտուտի կազմակերպած կինոռեժիսորական սեմինարներին:

Ֆիլմացանկ
Հրաժեշտ զենքին (2002), Հիշողություն ծառի մասին (2002), Փակուղի (2003), Նախապատրաստություն (2003), Ճայերը (2004), Ֆերմերների ընտանիքը (2004), Կատյա, Կոլյա, Օլյա… (2006), Մոլոկաններ. կյանքը ճանապարհից այն կողմ (2006), Ճաշի ժամը (2006), Մեր Քաշաթաղը (2007), Թղթե այգին (2008), Ջուր (2008), Խաղադրույք (2008), Երրորդ ձիավորը (2008), Լեռ շարժելով (2010), Հարևանները (2011), Ցուցադրություններ (2011)