ՌԱՍ ֆիլմերի ծրագիր

Մորիսետ, Դոմինիկ

Դոմինիկ Մորիսետ
Մորիսետի առաջին սերը լուսանկարչությունն է եղել: Հետո հայտնաբերել է կինոն: 1991-ից վավերագրական ֆիլմեր է նկարահանել աշխարհով մեկ:1998-ին շրջել է Կանադայի և Հարավային Ասիայի ծովափերին` նկարահանելով ձկնորսների կյանքը: 2000-ին Կանադայում բացված ցուցահանդեսում ներկայացվել են ճանապարհորդություններից բերած նրա լուսանկարները: Մշտական համագործակցի` Քեթրին Պապասի հետ, 2003-ին նկարահանել է «Փոքրիկ նավահանգստի վերջին որսորդները» լիամետրաժ ֆիլմը, որը ներկայացվել է Ժյուտրա մրցանակին` որպես լավագույն վավերագրական կինոնկար: Ֆիլմը նկարագրում է Նոր Շոտլանդիայի (Կանադա) ձկնորսների առօրյան և գոյապայքարը ձողաձկան որսի արգելման պայմաններում: 2003-2004 թթ. Աֆղանստանի խաղաղության և ժողովրդավարության ակտ ծրագրի շրջանակներում Մորիսետը տեսագրության և լուսանկարման սարքավորումներ է նվիրել Աֆղանստանի քաղաղացիներին: Ավելի քան 70 երիտասարդ օգտվել է նրա մասնագիտական փորձից, և այդ բեղուն համագործակցության արդյունքում ստեղծվել է 7 ֆիլմ:

Ֆիլմոգրաֆիա
Իմ աշխարհը` ինձ (1995), Սալվադոր (1995), Փոքրիկ նավամատույցի վերջին որսորդները (2004), Աֆղանստանի նախագահական ընտրությունները Բայմանում (2004), Աֆղանական ժամակագրություն (2007):