ՌԱՍ ֆիլմերի ծրագիր

Արջա, Նուրդան

Նուրդան Արջա (ծն. 1948, Անթալիա, Թուրքիա)
1968-ին կազմակերպել է կարճամետրաժ ֆիլմերի առաջին փառատոնը Թուրքիայում: 1970-ին ստացել է Ստամբուլի Ռոբեր քոլեջի տնտեսագիտության բակալավրի դիպլոմ: 1971-ին տարածաշրջանային զարգացման թեմայով դոկտորական է սկսել Լոնդոնի Բրունել համալսարանում, 1971-ի ռազմական հեղաշրջումից հետո` վերադարձել Թուրքիա: Ստամբուլի համալսարանի քաղաքատնտեսության բակալավր է (1980 թ.): 1984-86 թթ. հոդվածներ է գրել ՙMilliyet Sanat՚ հանդեսի համար: Նրա առաջին վավերագրական ֆիլմը թուրք նկարիչ Օրհան Թայլանի ազատազրկման տարիների մասին է: 1992-ին Մելեք Ուլագայ Թայլանի հետ հիմնադրել է անկախ վավերագրական ֆիլմերի արտադրության Ajans 21 ընկերությունը, որտեղ թողարկել և նկարահանել է մի շարք գործեր: Արջան իր վավերագրական աշխատանքներով մասնակցել է ավելի քան 20 ազգային և միջազգային փառատոների` որպես ռեժիսոր և պրոդյուսեր արժանանալով հինգ պարգևի:

Ֆիլմացանկ
Իմ ներսում ՙես՚ կա (1970), Անձկության նկարներ (1986), Չորրորդ չափումը (1993), Սրտի երաժշտություն (1995), Տիեզերական բյուրեղներ (1996), Ժամանակի պատիճներ (1998), Ի որոնումն կորուսյալ ժամանակի (1999), Հանդիպում (2000), ՙԴոսթլար՚ թատրոնը (2000), Ո՞վ կա (2001), Եփրատն ամբարտակելով (2001), Ժամանակ (ՙԿեսօր՚ նովելը, 2006), Ոգեշնչում (2006), Սվաս ’93-ի պատկերաշարը մոնտաժելիս (2007), Զարթոնք (2009), Մենք էլ չենք դատում (Ստամբուլի հրաշքները) (2010), Ներշնչված հոգիներ. ալավի-բեկթաշիները (2011)