Հայկական համայնապատկեր

Կանանյաններ, Սեզար եւ Գրեգորիու

Սեզար Կանանյան (ծն. 1982, Սան Պաուլու, Բրազիլիա)
Ավարտել է Մադրիդի կինոյի և հեռուստատեսության Septima Ars դպրոցը` "ռեժիսուրա" մասնագիտությամբ: Մասնակցել է Բրազիլիայի գլխավոր կինոփառատոներին (Ֆորտալեզայում նրա "Եղբայրակիցները" լավագույն վավերագրական ֆիլմ է ճանաչվել), ինչպես նաև միջազգային կինոփառատոների (Բուենոս Այրեսում "Ի սկզբանե" ֆիլմն արժանացել է ժյուրիի հատուկ հիշատակման): Այժմ աշխատում է լիամետրաժ խաղարկային կինոնկարի նախագծի վրա և նկարահանում անկախ կոնցեպտուալ ֆիլմեր նորաձևության և դիզայնի ոլորտներում:

Ֆիլմացանկ
Երջանկություն…(2004), Եղբայրակիցներ (2004), Ի սկզբանե (2004), Կոնտրապունկտ (2005), Ճայի գաղտնիքը (2005), Ծիր Կաթին (2006), Դորիան (2009)

Գրեգորիու Կանանյան (ծն. 1984, Սան Պաուլու, Բրազիլիա)
Որպես դերասան մասնակցել է Սեզար Կանանյանի և Էսմիր Ֆիլյուի "Կապիտալ տրուկե" կարճամետրաժ ֆիլմին: Աշխատակցում է Brasileiros հանդեսին, նկարահանել է իր առաջին "Անկանխատեսելի Թոմ Զեն" ֆիլմը: Այժմ պրոդյուսեր և ռեժիսոր է Caixa de Signo մուլտիմեդիական ստուդիայում:

Ֆիլմացանկ
Անկանխատեսելի Թոմ Զեն (2009), Դորիան (2009)