Հայկական համայնապատկեր

Բուլղուրջյան, Վաչե

Վաչե Բուլղուրջյան (ծն. 1975, Քուվեյթ)
Բեյրութում և Նյու Յորքում աշխատող կինոռեժիսոր և վիդեոարվեստագետ: Նրա աշխատանքները մեծ մասամբ առնչվում են ինքնության խնդիրներին և Միջին Արևելքի քաղաքական ու սոցիալական անցուդարձին: Որպես ռեժիսոր և օպերատոր նկարահանել ու մոնտաժել է մի շարք վավերագրական, կարճամետրաժ և փորձարարական ֆիլմեր: "Հինգերորդ զորասյունը"` Նյու Յորքի համալսարանի Թիշ գեղարվեստի դպրոցի նրա ավարտական աշխատանքը, արժանացել է Հոլիվուդում հավատարմագրված արտասահմանյան լրագողների ընկերակցության արտադրական դրամաշնորհին և, առաջին անգամ ցուցադրվելով Կաննի այս տարվա ՄԿՓ-ի Cinéfoundation ծրագրում, մրցանակ շահել:

Ֆիլմացանկ
Ազնիվ զոհաբերություն (2002), "Գիշեր", - ասաց նա (2005), Ալի ալ-Իրաքի (2008), Երգ (2008), Կյանքը վայելելով (2009), Հինգերորդ զորասյունը (2010)