Հայկական համայնապատկեր

Շահբազյան, Արամ

Արամ Շահբազյան (ծն. 1971, Կոտայքի մարզ, Հայաստան)
1994-ին ավարտել է Երևանի թատրոնի եւ կինոյի ինստիտուտի ռեժիսորական բաժինը: 1996-1997 թթ. ռեժիսուրա է ուսանել Փարիզի La Femis ազգային կինոդպրոցում: Եղել է “Ար” հեռուստաընկերության գլխավոր ռեժիսորը, ռեժիսոր` Հայաստանի Հանրային հեռուստաընկերությունում, ռեժիսորի օգնական` “Հայֆիլմ” կինոստուդիայում: Ներկայումս աշխատում է “Շողակաթ” հեռուստաընկերությունում: Նրա “Ակներ” կարճամետրաժ ‎ֆիլմը 2005-ին ներկայացվել է Մոսկովյան XXVII ՄԿՓ-ի “Հեռանկարներ” բաժնում: 2004 և 2005 թթ. ստացել է “Լավագույն ռեժիսոր” մրցանակը Երևանի “Ես եմ” միջազգային երիտասարդական կինոփառատոնում:

Ֆիլմացանկ
Հաշվետվություն ընթրիքի ժամանակ (1995), Լավաշ (1998), Ներսը և դուրսը (1999), Աղապատանք (2000), Ջավախք, մոռացված հայրենիք (2001), Որդան կարմիր (2002), Քյարիզ (2005), Ապոն կանչեց (2006), Մի վախեցիր (2007), Երեւանյան ռեգթայմ (2008), Taxi “էլի լավա” (2008):

Մովսիսյան, Հրանտ

Հրանտ Մովսիսյան
1972-ին ավարտել է Լենինգրադի թատրոնի և կինոյի ինստիտուտի հեռուստառեժիսուրայի բաժինը: 1973-1977 թթ. հեռուստաֆիլմերի ստուդիայի մուլտիպլիկատոր է եղել, 1977-1990 թթ.` Հայաստանի Հանրային հեռուստաընկերության ռեժիսոր: 1985-1992 թթ. համագործակցել է Ֆրանսիայի, Շվեյցարիայի, ԱՄՆ-ի հեռուստաալիքների հետ: 1995 - 1997 թթ. եղել է “Արուս” ստուդիայի գեղարվեստական ղեկավարը, 1997 -1998 թթ.` Հայաստանի Հանրային հեռուստաընկերության գլխավոր պրոդյուսերը, 1998-2001 թթ.` “Պարադիզ” գովազդային գործակալության պրոդյուսեր, “Պարադիզ TV”-ի հիմնադիրն է: 2001-2004 թթ. եղել է Հ2 հեռուստաալիքի գլխավոր պրոդյուսերը: Բազմաթիվ գովազդային և տեսահոլովակների ռեժիսոր է, «Պրոմեթևսե հեռուստաալիքի ոճի հեղինակ: Հեռուստահամերգների, ամանորյա և երաժշտական հաղորդումների, հաղորդաշարերի, «Երրորդ ուժըե վավերագրական սերիալի ռեժիսորն է: Հայաստանի կինեմատոգրաֆիստների միության և Հեռուստատեսության միջազգային ակադեմիայի անդամ է:

Ֆիլմացանկ
Մեր բանկը - 3 (2006), Կարո Մինասյան (2008), Taxi “Էլի լավ ա” (2008), Ինչ էլ որ լինի (2009), Հայացք և արտացոլանք (2009):

Զիլֆիմյան, Արտակ

Արտակ Զիլֆիմյան
1994 - 1998 թթ. սովորել է Գեղարվեստական տեխնիկումում, 2004-ին` ավարտել Գեղարվեստի ակադեմիան: 2000 - 2001 թթ. անիմատոր է եղել “Շանթ” հեռուստաընկերությունում, 2001 - 2002 թթ.` Classical Design-ի արտ տնօրեն: 2003 - 2004 թթ. դիզայներ է աշխատել “Անտարես -ում և Abide Web-ում: 2004 - 2006 թթ. անիմատոր, ռեժիսոր, արտ տնօրեն է եղել “Շողակաթ” հեռուստաընկերությունում, 2006 - 2007 թթ.` “Շառկ” -ի ռեժիսոր: 2007-ից “Շարմ Հոլդինգ”-ի ռեժիսոր է և անիմատոր:Աշխատանքներից է “Դիխլոֆոզ” հեռուստածրագիրը: Նկարահանել է գովազդ և երաժշտական տեսահոլովակներ:

Ֆիլմացանկ
Taxi “Էլի լավ ա” (նովել, 2008):

Բաղդասարյան, Էդգար

Էդգար Բաղդասարյան (ծն. 1964)
1985-ին ավարտել է Երևանի անասնաբուժական ինստիտուտը: Առաջին սիրողական ֆիլմը նկարահանել է 16 տարեկանում: 1988-ից աշխատանքի է անցել "Հայֆիլմ" և "Հայկ" կինոստուդիաներում որպես երկրորդ ռեժիսոր, իսկ հետագայում` ռեժիսոր: Էդգար Բաղդասարյանի ֆիլմերը ներկայացվել են Մոսկվայի, Գյոթեբորգ, Մոնրեալի, Մագդեբուրգի, Թուլուզի, Սան Ֆրանցիսկոյի, Բուենոս Այրեսի, Տոկիոյի և այլ փառատոներում:

Ֆիլմացանկ
Խաղեր (1990), Հոսք (1997), Սուրբ ծեսերի երկիր (2001), Մարիամ (2005), Արարատից Սիոն (2009)

Ղազարյան, Արմեն

Արմեն Ղազարյան (ծն. 1964, Երեւան)
1986-ին ավարտել է Խ. Աբովյանի անվ. մանկավարժական ինստիտուտի գեղանկարի բաժինը: 1991-ից “Մոմիկ” մշակութային միության անդամ է: 1986 - 1993 թթ. աշխատել է “Հայֆիլմ” կինոստուդիայում որպես բեմադրող նկարիչ: 2001 - 2006 թթ. համագործակցել է Հայաստանի պատմության թանգարանի հետ` որպես ցուցասրահների ձեւավորող և վերականգնող: 2004-ից վերսկսել է աշխատանքը “Հայֆիլմի” հետ: 1988-ին Անիմացիոն ֆիլմերի համամիութենական փառատոնում արժանացել է մրցանակի` որպես “Քաղաք” ֆիլմի լավագույն բեմադրող նկարիչ, իսկ
1989-ին Անիմացիոն ֆիլմերի բաց փառատոնում “Երազահան” ֆիլմի համար արժանացել է Առաջին մրցանակի:

Ֆիլմացանկ
Taxi “Էլի լավ ա” (2008):

Մաշկարյան, Գարիկ

Գարիկ Մաշկարյան
1983-1990 թթ. սովորել է Երևանի պոլիտեխնիկ ինստիտուտում, 1989-1991 թթ.` Երևանի Կամերային թատրոնի ստուդիայում:

Ֆիլմացանկ
Հարսնացուն Ջերմուկից (1997), Երևան ջան (2002), Նուռ (2003), Բնակության միջավայր (2006), Taxi “էլի լավա” (2008):

Բաբայան, Դավիթ

Դավիթ Բաբայան
1987-ին ավարտել է Վ. Բրյուսովի անվան ռուսաց և օտար լեզուների ինստիտուտը:
1986-1993 թթ. եղել է Կամերային թատրոնի դերասան: 1993-1997 թթ. ռեժիսոր է աշխատել Մոսկվայի “Օստանկինո”-ում: 1997-1997 թթ. “Ար” հեռուստաալիքի ռեժիսոր է եղել: 1997-ից “Շարմ hոլդինգ” ընկերության գլխավոր ռեժիսորն է: Տեսահոլովակների հեղինակ է:

Ֆիլմացանկ
Taxi “Էլի լավ ա” (նովել, 2008):

Ավագյան, Ավագ

Ավագ Ավագյան
Սովորել է Երևանի տնտեսագիտական համալսարանի միջազգային հարաբերությունների ֆակուլտետում: Աշխատել է ACN-ում, Բիզնես TV –ում` որպես գլխավոր ռեժիսոր և ծրագրերի տնօրեն, Արմենիա TV-ում: 70 հեռուստահաղորդումների ռեժիսոր է, շախմատային օլիմպիադայի գլխավոր ռեժիսոր:

Ֆիլմացանկ
Taxi “Էլի լավ ա” (նովել, 2008):

Խաչատրյան, Վահե

Վահե Խաչատրյան (ծն.1961, Երևան)
1980-1985 թթ. ուսանել է Երևանի պետական կոնսերվատորիայի կոմպոզիտորական բաժնում: 1987-1997 թթ. տարբեր հեռուստատեսություններում աշխատել է որպես խմբագիր և ռեժիսոր: 2000 - 2002 թթ. սովորել է LACC-ի (ԱՄՆ) կինոյի բաժնում: 80 գովազդային հոլովակների և 4 վավերագրական ֆիլմերի հեղինակ է:

Ֆիլմացանկ
Երևան բլյուզ (1998), Խավարման օրը ( 2000), Վերամարմնավորում (2000), Չգրված օրենք (2002), Սարդոստայն (2004), Ճակատագիր (2005), Welcome, պապա (2008), Taxi “Էլի լավ ա” (նովել, 2008):

Քեշիշյան, Հրաչ

Հրաչ Քեշիշյան
1987-1992 թթ. սովորել է Երևանի պետական համալսարանի ռադիոֆիզիկայի ֆակուլտետում։ 1990-1992 թթ. Հայաստանի Հանրային ռեժիսոր է եղել: 1995-ին հիմնել է “Արտ 13” հեռուստաընկերությունը: 2000-ից Հայաստանի Հանրային հեռուստաընկերության գլխավոր պրոդյուսերն է: Հեռուստաշարքերի, հաղորդումների և երաժշտական տեսահոլովակների հեղինակ է:

Ֆիլմացանկ
“Ոչինչ չի մնա” (2007), Taxi “Էլի լավ ա” (նովել, 2008):