Հայկական համայնապատկեր

Պեզճյան, Նիկոլ

Նիկոլ Պեզճյան (ծն. 1955, Հալեպ, Սիրիա)
Մեծացել է Բեյրութում, ապա` տեղափոխվել ԱՄՆ, որտեղ համալրել է ուսումը` կինոարվեստ ուսանելով Նյու Յորքի տեսողական արվեստների դպրոցում և Կալիֆորնիայի համալսարանում (Լոս Անջելես): Նկարահանել է խաղարկային, կարճամետրաժ, փորձարարական և վավերագրական ֆիլմեր, որոնցից շատերը միջազգային մրցանակներ են վաստակել, և փառատոները շարունակում են նրա գործերը ցուցադրել: Վերջերս հիմնել է Think Plus սեփական կինոընկերությունը` մեդիա, հեռուստատեսային և կինոարտադրության համար: Այժմ աշխատում է մի քանի վավերագրական ֆիլմերի վրա:

Ֆիլմացանկ
Օջախ կարմենական (1982), Մոխրագույն ձիու ժամը (1984), Սիսեռ (1993), Ծիրանով լեցուն ճանապարհներ (2001), Մյուռոն (2003), Հայրենի հող (2008):